筱靖斥王家敏抽水
藝人張家瑩和王家敏昨日出席亞視節目啟動禮，談到筱靖被「雪」，王家敏指日前見過對方：「見到佢好似有啲唔開心，神情有啲……我冇問，唔敢問。」
而張家瑩則謂：「佢做完亞姐後話唔舒服就冇返嚟，我又唔覺得有問題。」然而筱靖昨透過電話直指被「抽水」，更謂：「呢幾日都冇見過王家敏，亦冇唔開心，《亞姐大中華總決賽》慶功嗰晚我都好開心，精神都好好！（王家敏關心你咋？）我哋連朋友都稱唔上！」早前黃集鋒指有致電慰問，但筱靖謂：「冇同黃集鋒傾過電話！我唔希望因為負面回應而影響同公司嘅關係。」又透露正跟公司傾未來工作。另外，亞視執行董事葉家寶表示，亞視員工今日會收到10月份薪金。
