岑日珈闖鬼屋死頂瞓棺材

Trick Or Treat！樂壇女新人岑日珈（Angie）外表柔弱，不過就年年例牌拉大隊勇闖鬼屋，實行要喪叫喪嗌！Angie又要玩又要驚，每次玩鬼屋都嚇到半死：「有一次去玩鬼屋，其中一part係要一個人自己行，我當時真係好驚，我就跑得勁快緊貼住前面個陌生人，之後同個陌生人一齊行！仲有另一次係要瞓棺材，個個朋友都有玩，我唯有照玩，但係之後個心有啲唔舒服。」Angie更自爆有靈異體質，一遇到「唔對路」就會有另類「感覺」。