金愛妍煮到嚟就食
韓模金愛妍（Kim）現時專心在港發展其模特兒事業，並正努力學習廣東話及普通話融入社會，可是初來甫到難免鬧出笑話。有次她叫外賣時，竟然因溝通出現問題，而多送一個餐，最後Kim要一人食兩個餐，認真大食。
名模Mandy Lieu師妹韓模金愛妍（Kim），與台灣名模林志玲有幾分相似，而Kim早前又孖住同公司的日模清穗久美子推出寫真集，反應相當熱烈。現時在港全力發展模特兒事業的Kim，坦言非常愛香港，她說：「我讀大學都係讀有關模特兒嘅課程，畢業之後，就嚟咗香港發展，發覺愈來愈鍾意呢個地方，好鍾意呢度嘅人同食物。屋企人都好贊成我呢個決定，話我後生應該咩都去試。（屋企人有冇睇過本寫真？）當時有，我第一時間要畀咗佢哋睇，佢哋都話影得好靚，好有美感。」
積極苦練中文
雖然現時韓風襲港，但要來港生活就必須要入鄉隨俗，Kim坦言現時已積極學習講廣東話及普通話，而她又表示初來港時，因言語不通，而擺了大烏龍，她說：「有次我叫外賣，明明用晒英文同佢講，我只係要一個餐，點知最後送到嚟變咗兩個。（有冇退貨？）冇呀，反正都送到嚟啦，所以我就食晒佢啦，結果勁飽！」
文：專案組
攝：吳文聰