妻女撐場 陳國邦賣命

藝人陳國邦獲邀為迪士尼樂園演出限定舞台劇,扮演冒險家的他為日前演出大量搏鬥動作而氣喘喘:「好驚喜佢哋搵我,我喺劇入面係被詛咒的探險家,成日要同魔法打交,其實就係要同空氣搏鬥,我次次完場都冇咗三分之一條命,喘晒氣!」國邦如此落力,因太太羅敏莊當晚帶同萌爆囡囡陳禛驚喜探班,一家三口更在完騷後齊齊暢遊樂園!囡囡快將兩歲生日,國邦笑說:「佢日日有禮物收,係受盡萬千寵愛,搬屋時淨係玩具都三大箱。不過佢好乖,從來唔會扭計買玩具。」