曾拍攝周星馳電影的李尚正近年主力擔任有線主持，提到星爺開拍新片《美人魚》，阿正直言想參演：「上次我喺《西遊．降魔篇》要全裸同挑戰普通話，都施展咗渾身解數，今次就算再全裸，甚至落水都冇問題，我本身識游水。（準備好肌肉？）成日帶喺身啦！」
對於星爺被指難相處，阿正力撐對方：「我唔覺得，況且我係員工，唔會話老闆難相處，有時佢都會請大家食好嘢。（要求苛刻？）佢要求係好高，甚至超出人類所能，但都係想個效果好，博一博睇吓大家做唔做到，想作品完美啲。」
