張名雅唔敢行埋
有「港男殺手」之稱的2012年港姐冠軍張名雅，在最新一期《好報》被踢爆姣擒過氣港男何君誠。昨日兩人在鑽石山為無綫劇《再戰明天》宣傳時就表現避忌。期間與男主角吳啟華和黃德斌等影大合照時，二人相隔甚遠，毫不過電。
在上台名雅和吳啟華玩自拍玩得不亦樂乎，但其後記者叫名雅和緋聞男友何君誠合照，她就耍手擰頭，場面甚為尷尬，問為何拒合照？她尷尬地謂：「要避忌啲咩？（好明顯好尷尬！）唔係，我覺得冇必要咁樣影，咁大家都係同事，大合照咪OK囉。」更堅稱雙方僅為同事。
怕搭順風車
名雅又為報道解話，重申當時只是坐何君誠的順風車：「TVB好難截車，所以有同事咁啱有揸車收工都會坐。」亦指自己因為報道而害怕坐順風車，打算改坐公司車或叫爹哋揸車接她離開。自言做事光明磊落的她坦言：「如果真的是拍拖一定會通知大家。（同佢有冇發展機會？）真係完全冇諗呢樣嘢！」更笑言報道指她「破Dry」，但事實上仍然「Dry爆」。
而同場的何君誠就指沒有合照沒有所謂：「佢唔想影我都好尊重佢。」又堅持雙方只是同事，強調現時仍是單身。
文：影視組