周汶錡「泰」Open 孖老公玩天體浴
本報前日圖文並茂，名模周汶錡（Kathy）與法籍老公Julien到泰國慶布婚。昨日Kathy出席珠寶活動時，再透露有意在泰國置業。
曬得一身古銅膚色的她，分享泰國之旅：「個地方我自己搵o架。因為我哋都好鍾意泰國，呢個私人小島離曼谷都係個幾鐘車程，好少人，好relax！（二人去三人返？）嘩，如果係就驚！（齊齊天體浴？）嗰度好少人，真係鞋都唔使着。（衫使唔使着？）喺自己酒店咪可以唔着囉！」問到有否全力造人？她笑言：「總之好開心啦玩得，歎咗五日。（有冇諗過買小島？）暫時唔會住，一個島都要好多人打理，人工唔平。（喺泰國買樓？）老公好鍾意，因為佢好鍾意滑水同滑浪，但我就唔想佢做咁多危險運動。」她自言送上這驚喜旅程給老公，令他十分開心。問到可有「回禮」？她笑言兩公婆冇計，最緊要開心！