江若琳整裝待發吼實中港市場
女星江若琳（Elanne）與合作十年的寰宇公司鬧出合約糾紛，有傳她表面風光，實際收入極少，更因官司纏身，影響其精神及財政狀況，因此決定到倫敦進修減壓。休息三個月回港後重新出發的她，積極挑選劇本，望能大展拳腳。
入行十年，Elanne笑言經歷不少風雨，這次進修想重拾平靜心境：「入行咁多年，每日都好忙，想畀個機會自己身心放吓假。喺嗰邊每日都體驗番以前嘅學校生活咁，同唔同國家嘅同學一齊上堂。放lunch嗰陣就一齊坐喺草地食飯盒，拎住劇本讀同排戲，好輕鬆、好開心。」她抱着「路始終要走下去」的心態繼續生活：「依家係新開始，希望將一半時間放喺香港、一半時間放喺內地，做到兩邊都兼顧到就最理想。」她坦言經歷這次黑暗時光，令她深深感受到家人及朋友的重要性，並感激母親支持。