陳婉衡努力減肥着泳衣
無綫J2節目主持人陳婉衡在2012年參選港姐後加入TVB，自6歲就移民到溫哥華的她起初廣東話並不靈光，卻被派到娛樂新聞台成為主持人，她說：「初初開始時，成日畀人捉到我嘅懶音，有時候連稿都睇唔明，要工作人員讀畀我聽，我再寫拼音！」
但已當主持人幾年的她對工作可謂得心應手，早前更被TVB派到新加坡拍攝旅遊節目，獻出「第一次」，在電視上穿比堅尼！她稱：「知道要着比堅尼我好努力減肥！（選港姐時冇着？）冇呀！泳裝環節已經出咗局！」，她又表示這次到新加坡可謂大開眼界：「之前我去過一次新加坡，覺得好悶，但原來係我自己唔識去玩！今次跟TVB去咗好多地方，去咗個水上樂園，裏面有好多嘢玩！」
場地：銅鑼灣時代廣場金滿庭
服飾：bread n butter