梁靖琪捱餓撼水着女
藝人梁靖琪（Toby）、張頴康等昨日於沙灘拍攝無綫新劇《潮拜武當》，穿上私伙一件頭高衩泳衣的Toby晒事業線與同場穿三點式的女演員互撼。首度在人前穿泳衣騷身材的Toby，大感尷尬，她受訪時笑言，近日已沒進食，只飲排毒飲料「維生」，她說：「不嬲都有做運動。（其他女演員性感？）佢哋好靚，我本身又粗魯，盡量檢點。（縮胸着泳衣？）瘦咗但都仲喺度，我都想細啲！」
Toby大爆劇中要色誘張頴康，她笑指自己都「頂唔順」。而劇組下月將到武當拍攝，屆時要應付打戲的她直言對體力有信心。有指好友周家蔚有意同無綫解約，不知情的Toby稱二人不談公事：「只要佢開心，作為姊妹一定撐。（傳佢再懷孕？）係就好嘞！最近家姐第三個（胎）都係仔，爸爸同姐夫有少少失望，（希望第日你生女？）順其自然！」
唔敢濕吻怕老婆鬧
至於與Toby演情侶的張頴康大爆劇中會因幻想對方穿泳衣而流鼻血，問他面對Toby時可有流鼻血？他說：「益大家啦！不過都係老婆正啲！同Toby都有場激吻戲，因為唔伸脷，大家咀到嘴都乾同甩皮。（冇伸脷？）老婆會鬧！」而同場的周子揚稱與張惠雅於劇中有連場咀戲，更有在飛鵝山車震戲。問到會否咀出愛火？周子揚否認並指二人相識多時，純屬老友。
文：影視組