陳嘉桓裝胸作勢 自嘲唔識發姣
陳嘉桓（Rose）早前於新片中飾演身材性感撩人的女經紀，最後更要扮埋大肚婆，Rose直言演風情萬種的角色難過演打戲，因要扭出蛇腰又要拋媚眼，而扮大肚婆時更會忘記要慢動作，要導演提點，十分搞笑。
21歲的陳嘉桓（Rose）近年積極接演不同類型的電影，挑戰自己，在新片《男人唔可以窮》內，她飾演為照顧屋企而要積極搵錢的倫敦金經紀，更有場色誘男主角黃宗澤（Bosco）的戲份！由於該片乃人氣網絡小說改編，Rose事前已「刨」了該小說數次，對每個角色也相當了解，為了角色更切合原著，她拍這場戲時特別「裝胸作勢」，令5吋事業「瞬間」練成，波濤汹湧！Rose表示：「因為我個角色叫大波Yoyo，可想而知身材係好突出，而拍呢場戲時，原來都幾有難度，難過拍打戲，真係有啲考起。好彩Bosco好好，教我點去做，我都冇佢咁冶艷，自愧不如！」
「佗B」要導演提醒
除了黃宗澤，Rose與陳偉霆亦有不少對手戲，兩人更有感情線，Rose會為陳偉霆生BB，Rose笑言：「我都有去留意大肚婆嘅一舉一動，不過記得有場戲要我坐喺張櫈度後企起身，由於我嘅動作太快，導演即提我要慢動作。」拍攝該片時，Rose與另一女角鄧麗欣傳不和，Rose否認其事，並笑言：「我同佢喺戲入面的確無交流，但戲外大家都好好，佢好爽朗，絕對無不和。」
文：影視組
場地：easy chef W+ COOKING STUDIO