沈震軒鍾意長髮「笑女」

無綫藝員沈震軒（Sammy）最近曝光率甚高，正播出的兩線劇《使徒行者》及《大藥坊》都有份演出，角色一忠一奸，發揮空間甚大！提起Sammy，大部分人都覺得他姿整有型，但他自嘲其實是悶爆宅男，面對心儀對象便冇晒辦法，與擅演的溝女王角色完全不同，他說：「我似《My盛Lady》嘅柏堅，又傻又戇居，對住鍾意嘅人係傻仔，出唔到咩招數，試過向女仔示好，但食咗檸檬。」至於喜歡的女神類型，Sammy表示鍾情「笑女」：「我鍾意成日笑嘅女仔，（外形呢？）長髮大眼身材好，但最緊要性格開朗。」