Annie G.脫o靚 增值教扮靚
混血模吳燕安（Annie G.）近年主攻節目主持，擁有驕人上圍的她，就慨嘆現時的寫真美感欠奉，色情成分更令人不堪入目！無意再出寫真的她決定增值自己，更打算搞扮靚的生意。
有「翻版Angelababy」之稱的混血模Annie G.，母親是西班牙人，她在香港長大讀書，操得一口流利廣東話。數年前她以「八模兵團」姿態出寫真，力撼其他o靚模。16歲已入行的Annie，現時擔任電視台節目主持，也會到外地打碟，更將會跟同期八模盧頌之（DaDa）合作搞扮靚生意。
擁有34C豐滿身材的她，退出寫真行列實在有點浪費，不過她卻不想跟現時的o靚模混為一談，她說：「我覺得依家啲o靚模寫真愈來愈差，其實唔可以叫寫真，直頭比鹹書更低俗。我記得嗰陣我哋八模出寫真時都有畀人講閒話，依家嗰啲人同番我哋講，相比其他o靚模，原來我哋好正常！」
戀情穩定
26歲的Annie入行十年，自言現階段才真正找到自己的理想，除了增值自己，也會自拍beauty短片教人扮靚，要說教當然要有說服力，因此平日她努力做運動keep fit：「我鍾意跳舞，冇嘢做就不停跳，又會做好多gym，（咁fit可以再出寫真？）依家冇人睇我哋呢啲啦！」記者打趣問是否男友不批准她行性感？她笑說：「唔係，都係做嘢啫，佢自己都係model，依家喺北京發展，我哋拍咗三年幾拖，感情都幾穩定。」她又笑謂不擔心與男友分隔兩地，因為男友經常報到，令她很放心！
Profile
中文名：吳燕安
英文名：Annie Gesela
體重：45kg
身高：1米65
三圍：34C/24/34
文：名人組
攝影：黎志輝