黎明冇正歌拒出碟

黎明昨日為腕錶活動擔任剪綵嘉賓，甚少出席商業活動的他被問到是否獲重金禮聘時，黎明避而不談表示不講錢，不過據知品牌今次出動超高酬勞才能令黎明出山，又安排四名保安全程傍實黎明，凸顯天王身價。

談到工作近況，黎明稱去年才拍畢電影《楊貴妃》，之後還有很多電影拍攝工作，至於唱歌方面，他坦言有時間唱歌，但就未遇上合適的歌曲：「唔啱嘅歌不如唔好唱，大家有自知之明，解鈴還須繫鈴人，我唔係唔唱，好歌唔怕唱，有十隻歌畀我唱，我可以出到碟添，但寫歌嘅人無素材。」

魅力十足的黎天王吸引不少粉絲圍觀拍照。

鄧愛嘉將在11月於北京舉行婚禮，未婚夫坦言希望生兩個B。

唔心急拍拖

提起旗下歌手衞蘭最近為演唱會而積極減肥，黎明認為最重要健康，他說：「衞蘭最重要把聲，唱歌穩定，減肥太大壓力反而減唔到，如果演唱會前瘦，之後肥番都無用，車輪轉。」他稱今次未有參與對方的演唱會製作，但就不介意做個唱嘉賓。

至於感情生活，黎明笑言工作就是他的生活，又揚言不心急拍拖，對於謝霆鋒與王菲復合一事，黎明不願多談：「我自己都唔分享感情事，我唔評論人哋。」有不少網民希望黎明跟舒淇復合﹖黎明叫大家不用猜測：「觀眾唔知，無從稽考，唔諗咁多。」

無緣不需見

另外，日前黎明擔任頒獎嘉賓，得獎者的馬德鐘兒子事後稱不知黎明是誰，黎明毫不放在心上說：「新聞太多，會選擇對自己有用嘅新聞睇。（佢話唔識你﹖）呢個唔係重要議題，無緣分就唔需要見，點解要認識，我有自己嘅圈子。」

現場出席賓客包括名人邱子傑夫婦、鄧永鏘女兒鄧愛嘉與未婚夫等，鄧愛嘉透露11月便在北京舉行婚禮，心情緊張又興奮，當日會穿中式裙褂及做足傳統儀式，問她婚後會否即時造人，她笑謂生兒育女很貴，不過未婚夫就說：「我好鍾意BB，計劃兩年內生，生兩個。」

文：名人組