徐濠縈撐霆鋒關心兒子

【劉慰思巴黎直擊】鋒菲舊情復熾，有指霆鋒前妻張栢芝斥他不是好父親，好友徐濠縈前晚出席活動時，言語間暗撐霆鋒說：「人哋家事我唔評論，我又冇親口聽栢芝講，但以我所知霆鋒都幾關心個仔，有時見面佢都會畀仔嘅相我睇！」當年擔任鋒芝證婚人的音樂人郭偉亮（Eric）及太太葉佩雯，就支持鋒菲復合，認為人生苦短，最緊要開心，霆鋒與栢芝都要向前行。問可會覺得鋒菲保密工夫做得好？Eric說：「我諗除咗佢哋自己，應該都冇人知，咁冇人知會發展順利啲嘅！（做佢哋證婚人？）應該唔會，唔關我事。」