陳妍希弗爆巴黎o靚仔

【劉慰思巴黎直擊】「台灣女神」陳妍希早前拍《神雕俠侶》臃腫得被網民揶揄是「最肥小龍女」，積極減肥下終有成效，本周二陳妍希與黃伊汶、丁子高現身巴黎出席GROUND-ZERO 2015春夏時裝騷，騷美腿的陳妍希明顯比之前清瘦，她還希望瘦少少。她謂有空檔時亦會周圍觀光，被問到有冇睇靚仔？她說：「有，其實唔只男生靚，好多女生都靚，但逗留時間太短。」另外她又透露有與柯震東聯絡，至於她指柯震東是大笨蛋？她說：「係朋友關心，我冇嬲佢，只係擔心佢。」
陳妍希現身巴黎時裝周，乘機四圍觀光o靚仔。
陳妍希現身巴黎時裝周，乘機四圍觀光o靚仔。

將於10月結婚的黃伊汶，透露忙於籌備婚禮，還笑說：「我第一次結婚，乜都唔識，下次會識多啲，哈哈。如果一世好命，只着一襲婚紗。」她又透露婚後會享受二人世界，暫未有生B打算。而問到此行睇騷的丁子高，會否買手信給太太楊千嬅及仔仔？他說：「老婆已經畀咗成張list我，又手袋又衫，我拒絕咗，我冇時間。」

陳妍希與GROUND-ZERO創辦人Eri（左）及Philip合照。
  • 陳妍希與GROUND-ZERO創辦人Eri（左）及Philip合照。
準新娘子黃伊汶與丁子高在時裝騷上碰頭。
  • 準新娘子黃伊汶與丁子高在時裝騷上碰頭。