諸葛房設視像 恐換衫被窺

諸葛自爆欣賞劉青雲，好想與他做對手戲。

諸葛紫岐昨日以一身紅色裙子出席GLYCEL「Premier」啟動禮，她透露工作十分繁忙，經常要周圍飛，現時跟不同導演傾談劇本，問到想演甚麼角色？她說：「搞笑或愛情片都有興趣拍，其實我冇底線，（性感呢？）要試，因為我未經歷過，可能依家覺得OK，到埋位又唔同，最緊要過到自己嗰關，（老公冇詐型咩？）冇喎，佢都覺得女性應該要有自己事業。」記者笑問她最想跟哪位男明星拍親熱戲？她即自爆很欣賞劉青雲：「我覺得佢好有性格、好成熟同好man，希望有機會可以合作啦！而謝霆鋒都唔錯。」

追女計劃打住

最近有指全球不少地方的家居視像（cam）被黑客入侵，把影像放在網上任睇，諸葛因為工作忙碌要見囝囝都用視像，她說：「屋企周圍都裝咗，不過都有啲驚，之前有朋友話好似喺網上見到我屋企，不過老公就話密碼唔同就冇事，但真係好驚，因為我連自己睡房都裝咗，咁會換衫o架嘛，或者睡房都要拆走佢！」看來諸葛也擔心自己換衫時會遭窺視。

諸葛有子萬事足，但都想生個女。（資料圖片）

恨女的諸葛與七位小妹妹同台，大讚她們可愛。

活動上，大會特別安排了七位小妹妹上台，已有九個月大囝囝的她大讚小妹妹可愛，她笑說：「見到都好鍾意，試過一次同囝囝着裙仔，但老公好唔鍾意，工人都『咦咦』聲。（計劃再追女？）暫時唔會住喇。」

文：名人組