紅姑喬裝畀人圍 望與發哥出影集

女星鍾楚紅早前與agnès b. LA MAISON SUR L'EAU合作，以香港為題拍攝相片作義賣及舉行慈善攝影展。紅姑昨日現身大談趣事，更獲贈名貴相機，她說：「成件事都好開心，有人咁大膽起用我。呢個相展背後要有好多配合，否則都做唔到。」她透露拍照時正值雨季，故影響其進度及心情，又自爆曾喬裝到街市拍照：「我戴晒帽喬裝去，有人問我係咪美國遊客，又試過影影吓愈來愈多人圍住，畀人影番轉頭。（周潤發都好鍾意影相，同佢一齊出攝影集？）佢已經有一本好靚o架啦，你哋幫我撮合啦！」問到影展後大計？紅姑續說：「我諗我跟住會好失落，因為呢幾個月好似返工咁，日日都好忙，依家得閒番少少會好空虛，要問下有冇人畀個位我返工？」