高皓正憂行為怪異
周永恒前晚上門滋擾太太趙頌茹（阿Yu）涉嫌刑事恐嚇被捕，及後他自稱身體不適轉院。身為雙方媒人亦是教友的藝人高皓正認為入院是好事：「我一直好擔心阿Roy腦入面嘅水瘤會影響到佢情緒，識咗佢咁耐我未見過佢做啲咁奇怪嘅嘢。希望佢快啲變番善良嘅阿Roy，其他弟兄姊妹都會為佢祈禱。」
裕美就表示有傳短訊給阿Roy，但對方只以表情符號回覆：「我知身邊有好多人都幫緊佢，但有啲嘢要佢本人肯聽先得，我都覺得佢精神出現問題。」另一好友可嵐較擔心阿Yu：「呢排都搵唔到佢，相信佢需要啲空間同時間。」而身為阿Roy和阿Yu女兒的契爺張致恒大嘆身在異地有心無力：「我唯一可以做嘅係為佢祈禱。」