鄧鉅明大讚老婆幫得手

昨日太子珠寶鐘錶主席鄧鉅明（Jimmy）與太太鄧宣宏雁、長子鄧亦軒（Alan）、次子鄧亦棋（Arthur）及藝人黃伊汶（Emme）同出席《太子珠寶鐘錶呈獻World Brand Piazza 2014揭幕典禮》，Jimmy透露集團已是第五年參與，公司亦將有大規模發展，不會做一千呎以下的細舖，主力投資大型分店。

兒子由低做起

談到長子Alan及次子Arthur亦在集團工作，Jimmy坦言兒子要由低做起：「大仔以前都由低做起，到依家先做董事，二仔就起步中，賣好平嘅錶。以前我捱過，佢哋讀書比我多，希望佢哋可以喺每一個部門都試過。」

黃伊汶在朋友當中最遲婚，笑言會着手搞婚事。

Model在揭幕禮中展示最新產品。

提到太太鄧宣宏雁榮升集團副主席及執行董事，Jimmy亦大讚太太在公在私都好幫得手：「佢為公司做咗好多事，好似設計同宣傳上，佢係實至名歸。（有冇送禮物？）唔使講呢啲，每日都係佢生日。屋企方面佢真係無微不至，我自己不嬲都一心一意唔多心，所以佢都好放心。」

Jimmy直言二人結婚十二年相處很開心，相信三十年後都會繼續。而鄧太自言有三重身份，包括是鄧生的太太、生意夥伴，以及三個小朋友的媽咪，所以要分配時間照顧家人。

Emme籌備婚禮

而Alan透露已擔任集團董事兩年多，主要參與董事局決策及鐘錶業務，父親亦有教他不要怕蝕底，目前單身的他現階段為公司拚搏，有時間就去打羽毛球。

另外，前來參觀的Emme表示會抽時間籌備與男友陳國坤的婚禮，並透露將會為歌手鄭希怡的婚禮擔任姊妺。

文：名人組