高海寧廚神誘男友
「咪神」高海寧（高Ling，圖）昨日出席美食推廣活動，穿上tube dress的她俯身炮製美食。平日愛煮創新菜式的她，笑言細佬是其預用白老鼠，並謂：「將來應該留得住男友或老公嘅胃，以前有整過蛋糕、甜品畀男友食，希望搵到個鍾意煮嘢食嘅男仔，大家一齊研究吓，不過要佢洗埋碗。」
自言邊煮邊食的高Ling會做運動keep fit，又自嘲是宅女：「我人生樂趣係留喺屋企食嘢、睇書、聽音樂，所以到依家都識唔到男仔，公司又搵唔到。」她又否認眼角高，稱身邊對手均是高質素筍盤，記者指馬國明也有新歡，她即笑謂：「係囉封晒盤，好嘢都畀人搶哂，馬明鍾意女神feel。（你都係女神！）我會搵到識欣賞我嘅男神。」