郭晉安大仔自動執書包

郭晉安及老婆歐倩怡（Cindy）於昨晨8時許，齊齊送升讀小一的大仔郭令山到長沙灣大埔道的國際學校返學，率先落車的令山精靈可愛，樣子更是父母的混合版。Cindy落車後即拖實囝囝，並送他至校門，期間問活潑的令山開學心情如何？他cute爆稱：「好開心！」

問Cindy囝囝開學有否扭計？她說兒子一早執定書包等返學：「冇扭計，我哋叫佢瞓多啲，不過佢天光就起咗身。今日時間預多咗，由屋企嚟都要45分鐘。（一早起身準備？）係，書包都一早執好。」之後Cindy表示要飛撲回家，準備再送細女返幼稚園。任司機的廿四孝父親安仔，待老婆上車後亦nice爆向記者揮手道別。