小龍包承母潮氣變開學武士
快樂嘅時間過得真係快，又係時候同暑假講byebye！昨日開學日，不少愛子如命的星媽都親自湊囝囝返學，兩位天后潮媽陳慧琳（Kelly）和楊千嬅也不例外，兩位同是兩歲的星二代冇扭計全程唔失禮，千嬅坦言不捨兒子Torres離開她，而梳了武士頭的Kelly細仔「小龍包」則擺可愛甫士賀開學！
昨日是開學日，兩位天后陳慧琳與楊千嬅都親自帶兒子返學。下午約一時半，穿格仔恤衫襯白長褲、白波鞋的Kelly帶細仔劉琛（小龍包）現身位於紅磡的幼稚園。小龍包梳了個醒神武士頭，孭住大大的紅色書包，拖實Kelly走到學校門口，再由媽媽抱起量體溫及用消毒藥水清潔雙手，期間很聽話。到下午三時半，Kelly再接小龍包放學，小龍包還擺出可愛托腮甫士，萌爆全場。
劉琛愛蜘蛛俠
早年Kelly大仔劉昇（蝦餃仔）開學時，因未習慣沒媽咪在旁，在進入校門時哭起來，昨日問Kelly小龍包是否比哥哥叻？Kelly說：「OK啦，兩個都差唔多，依家仲試緊堂，試咗一排，今日冇喊，第一日試堂就喊。」Kelly續說會與老公劉建浩分工合作湊仔：「哥哥就由爸爸送返學，我送細佬，蝦餃仔依家慣咗冇扭計。」
提到小龍包的武士頭，Kelly指每天都為他梳這髮型，又指他很喜歡上學：「佢依家最叻講Spiderman（蜘蛛俠），仲識得學埋放蜘蛛絲個手勢。」
另外，楊千嬅昨日早上八時半將座駕泊位於銅鑼灣的幼稚園門外，戴黑超的千嬅抱囝囝丁進諾（Torres）急急腳返學。穿白色校服的Torres，表現乖巧，其後千嬅陪兒子入課室，她逗留了約10分鐘便登上座駕離開。
進諾喜歡返學
事後千嬅表示Torres開學已兩星期，正慢慢適應學校生活，亦喜歡上學，但坦言自己不習慣離開囝囝：「我都學習中，好彩識咗班家長，佢哋好有經驗，分享好多心得，我都好似開學。」
文：音樂組