Niki公主駕到 7億人次爭睇
林峯和周麗淇（Niki）主演的內地劇《衛子夫》在內地收視勁爆，達7億人次收看，成全國收視「冧巴溫」，昔日被喻為「花瓶」的Niki吐氣揚眉，笑言今次演公主升呢做實力派，實行等住加價吸人仔。
劉家豪和太太梅小青從無綫過檔now TV後，頭炮製作的劇集《衛子夫》，於上周三在內地三大電視台包括浙江衞視、安徽衞視及上海東方衞視的黃金檔播出，一個影視網站也有上線播放，至今收視人口已達7億人次，超越同時段播放的劇集，成全國收視冠軍。
一級價賣埠
浙江衞視也憑《衛》劇成全國省級衞視首位，而網上播放量超過3.5億，更有望突破10億。據知《衛》劇賣埠成績同樣驚人，已以一級價賣埠給日本及馬來西亞等地。
《衛》劇劇組對收視報捷感振奮，劇中演公主的周麗淇昨在峇里出席鍾鎮濤婚禮後，接受本報電話訪問，她說上機前收到《衛》劇收視高開的消息：「好開心，收到好多恭賀短訊，好多謝小青姐同家豪哥搵我拍！初時接拍有壓力，因為係要打入內地市場，加上部戲有好大發揮，我只係個香港土生土長演員，其他內地演員係紅褲子、讀戲劇出身，好強勁，代表香港唔可以輸蝕，所以更加努力。」
「唔係花瓶」
Niki續說，自己曾被批評演技幼嫩，演《衛》劇後令她信心增加：「我向來都唔係花瓶，一直想做實力派，依家終於向呢個方向邁進一步。」Niki指已獲多家內地媒體邀請訪問，問會否乘勢加片酬吸人仔，她說：「一切交由經理人公司處理。」
梅小青昨接受電話訪問時說正籌備慶功宴：「用咗兩年製作，付出好多心機，成績咁好好開心，最感動係好多人讚製作同劇本都好。」
文：專案組