華哥琦琦同床異枕 唔造人
床是日常生活的必需品，連忙於拍攝新戲的任達華也表示與太太琦琦的床因各有特別喜好而特別訂造，但他同時講明儘管睡在一張「特定」的床上亦無意再造人，希望將全副心機放在女兒任晴佳身上。
影帝任達華與名模太太琦琦、藝人劉思希（Lisa）等前晚出席寢具品牌活動，琦琦表示早前與囡囡晴佳飛到泰國探華哥班，並謂女兒害怕看到打鬥場面：「佢喺片場睇咗爸爸嘅打戲，見到爸爸喺戲入面成身血，佢好驚。」華哥續透露昨晚完成活動後即飛返當地繼續拍攝，並表示拍戲辛苦，支持他每日工作的靈魂是一張好床：「嗰邊有張私人訂製嘅床，瞓得好真係做嘢都精神啲同做得好啲o架。」
萬千寵愛在一身
華哥表示床是人生的一樣重要物品，絕不能馬虎了事：「一張好嘅床真係好緊要，人一定要瞓得好，所以我嗰張係私人訂製o架，（你哋各有喜好？）老婆嗰邊就軟啲嘅，而我嗰邊就硬啲。」琦琦透露囡囡任晴佳亦時有跟他們一起睡：「我哋會三個一齊瞓o架，不過同佢講明要好乖先可以瞓喺我哋中間，唔可以扭計！」擁有一張舒服的床會否有意再造人？華哥與琦琦均異口同聲說：「一個就夠啦，我哋一開始就有共識，如果第一個係生女嘅話就收工，加上囡囡都唔想我哋生多個，因為想萬千寵愛在一身，錫晒佢吖嘛！」
而Lisa谷胸上陣，她坦言無綫劇集《忠奸人》為自己帶來知名度，還多了機會出活動賺外快，收入大增：「未計到確實個數，但一定係之前嘅double。」參選2011年港姐的Lisa續表示今年港姐質素很好，擔心被搶飯碗，所以正密謀努力裝備自己來迎戰。
文：名人組