陳偉霆揸四層樓冇預阿Sa
專注內地拍劇的William難得返港，昨日聯同衛詩雅出席海港城活動，不少William歌迷在門外撐場。至於說到William憑內地電視劇《古劍奇譚》火速爆紅，問到是否賺了多桶「人仔」可以買樓？William則言：「未，仲未開始，之前儲落嗰啲錢都買晒物業嘞。（買咗幾多？）買咗四層，所以已經冇晒啦。」
買畀阿媽先
問到幾時送樓給女友蔡卓妍（阿Sa）？William坦言：「買咗畀阿媽先。」之前四層樓寫邊個名？William即笑道：「四層都係自己嘅。」現在內地人氣急升，不用再被冠稱「蔡卓妍男友」，可有吐氣揚眉感覺？William謂：「最開心之前拍過嘅作品，都有攞番出嚟播，名詞嘅嘢係唔重要。」現經常不在港，可有影響感情？William則謂：「佢本身都忙。（咁點維繫？）互相信任，好似尋日返嚟都爭取機會見面食飯。」
而穿上四吋高踭鞋的衛詩雅對於William手揸四層物業，問到會否很羨慕？衛詩雅即笑說：「梗係羨慕啦！所以我依家要黐實呢位大師兄，等有機會同佢一齊出嚟做嘢。（William又靚仔咗？）佢一向都靚仔，識發光嘅。」
文：音樂組