(1)謝芷倫大話港姐唔認男友
候選港姐「直鼻陳凱琳」(1)謝芷倫是非特別多，昨日又有爆料狙擊指她與名叫Simon So的男士訂婚，並附上Simon搭她大髀及翹手的親暱合照。謝芷倫昨日出席活動，起初講大話指不認識Simon，但看相後知道戀情被踢爆即轉口說兩人認識，並謂：「啱啱先醒起。」但仍死撐沒拍拖，堪稱「大話港姐」！
無綫《2014香港小姐競選》十六位候選佳麗昨日到銅鑼灣出席莎莎活動，(1)謝芷倫被問到是否與Simon拍拖及訂婚，她最初死撐否認，並謂不認識Simon，又指不是事實不欲回應。
隨後記者給親密合照謝芷倫看，她看後立即面色一沉。問她是否認識相中人Simon？她即慌張轉口風說：「識，佢係我唱歌學校嘅同學。（啱啱失憶唔認得？）係好耐嘅事，啱啱先醒起。（係咪同Simon拍拖同訂婚？）冇。（相中又翹手又掂住大髀影相喎？）呢個係生日飯局，大家黐得埋啲影相啫。（驚唔驚大家覺得你係大話精？）唔驚。」被踢爆大話連篇後，謝芷倫繼續死撐與Simon沒有拍過拖及訂婚，堪稱「大話港姐」。
吳凱欣：拍拖會認
同場的大熱佳麗「大眼DaDa」(11)吳凱欣坦言比賽臨近有少少壓力，並透露每日敷面膜保持最佳狀態。講到會否隱瞞拍拖？她似有所指地說：「做人最緊要光明正大，如果拍拖一定會大方承認囉，唔會隱瞞。」熱門之一(3)黃碧蓮笑謂會爭取時間瞓覺作準備，屋企人亦由溫哥華來港支持。講到謝芷倫負面新聞多多，她說：「我唔識睇中文，所以就算自己有負面新聞都影響唔到我。」(9)王卓淇就笑謂沒開群組拉票，皆因準決賽投票是投給出局佳麗。
港姐等你起底
爆料熱線：3600 1022
爆料傳真：3600 1000
爆料email： ent@on.cc
採訪：影視組