再婚與否隨緣
謝霆鋒在動作片上的成績有目共睹，問到是否希望在愛情電影上再創高峰，他表示只是階段性問題，當然希望愛情片都有成績，但沒想過得獎這麼長遠，純粹覺得要試，他笑說：「同埋有個接拍因素係可以去紐約，我都去咗一至兩星期，係凍咗啲啫。」身為公司老闆又貴為炙手可熱的演員，問到在工作時間分配上會否遇到困難？他說：「我點都係電影為主，公司業務會比較放手，時間分配要做得好恰當。」
學懂放軟不強求
謝霆鋒經歷過一段婚姻，但最終離婚收場，現為兩子之父兼製作公司老闆，被視為筍盤的他如何看待「一生一世」這四個字？他說：「我信o架。不過可能十年前、年紀細啲，個一生一世可能要係攬住、佔有同要擁有。可能依家嘅一生一世係離遠咁支持和祝福。唔知再十年後會點呢？原則係一樣嘅都係對一個人，但每個人都會唔同，處理手法亦都唔同。依家要學識放軟啲去做，唔係佔有晒，以前就係要攬住，依家都想攬住，但多咗一份可以離遠嘅。（婚姻都係一生一世？）結得婚就係嘅，咁但係我又唔抗拒亦唔強求。（再婚？）唔知o架，隨緣啦。（被視筍盤）唉，唔信。」
文：影視組