霆鋒忘情傷再覓一生一世

謝霆鋒仍然相信一生一世，年輕時覺得愛情是要佔有，現在人生經歷豐富了，對愛情的想法也成熟了。

影帝謝霆鋒與內地女星高圓圓在英皇電影新片《一生一世》中飾演一對情侶，謝霆鋒表示出道至今未拍過如此純愛情的電影，希望作出新嘗試，加上從未與高圓圓合作過，故他答應接拍。雖然這部是愛情電影，但謝霆鋒事前積極瘦身練體能，他說：「戲中唔止一場接吻戲，睇到劇本知道要除上衣拍攝，所以事前做地獄式節食加運動，最終減咗十五磅。（擔心在高圓圓面前失威？）唔係，因為角色講我要搬搬抬抬，我唔應該係食好住好咁長咁多肉。今次係為愛情片減肥，初頭以為輕鬆過拍動作片，但點知仲心力交瘁。」

凍到鼻涕直流

初時以為拍愛情片比較輕鬆，但拍完後寧願拍回動作片，謝霆鋒說：「如果拍動作片受皮外傷都好快可以康復，但呢部真係令我康復得慢。（喜歡動作片多過愛情片？）我又唔會咁分，只要係好嘅劇本，我都會拍。」他憶述在紐約拍攝期間，天氣嚴寒，有場戲講他與高圓圓多年後在街頭重逢，便凍到鼻水直流：「當時佢要喊，自己都凍到鼻涕兩行直流，但高圓圓仲要喊住流眼淚，點知佢啲眼淚、鼻水一出就變冰咁滯，凍到塊臉僵咗赤住痛，我當時都戥佢辛苦，但大街大巷冇得避，我都唔知點幫佢。」

霆鋒和高圓圓在電影中共譜浪漫戀歌，霆鋒更為此狂減15磅。

身為製作公司老闆的霆鋒，坦言仍是以拍電影為重，公司業務會較放手讓他人處理。