(9)王卓淇反駁：呢啲叫自信！
港姐佳麗(9)王卓淇連日來不斷被讀者爆料，昨日又有讀者爆她在大學期間態度高傲、漠視同學和成績差，再質疑她的參賽資格，但她卻有備而來淡定回應。另外，對於(3)黃碧蓮狀態愈戰愈勇，大熱門(11)吳凱欣表示大家有不同優勢。
《2014香港小姐競選》16位佳麗，昨日在歌手狄易達率領下綵排跳舞，各人舞姿一般。而近日飽受是非纏身的「碩士法拉」(9)王卓淇昨日再被爆料。自稱是其大學同學的讀者，爆她讀大學時叫Nikki態度高傲，成績又差，質疑她在港居住年資應未夠資格參選港姐。
王卓淇面對傳聞有備而來，淡定回應：「我以前唔係Nikki，叫Royki，我唔係高傲，呢啲叫自信。（漠視同學？）無咁嘅事，識我嘅人知我平易近人。我係廣州出世，3、4年前嚟香港住，父母一直在內地做生意，但公公婆婆半世紀前已在香港定居，我2010年拎到香港身份證，但未有三粒星，但參加港姐唔使三粒星。（是否曾與同學爭男、女朋友而被人狂爆料？）無，不過我估係同一個人，可能佢好憎我。我相信呢啲唔會影響評判對我印象，了解我會知我係咩人。」
(11)吳凱欣 無懼威逼
同場的「加國熙蕾」(3)黃碧蓮表示曾學肚皮舞，更出現「朱古力」腹肌。近日她狀態大勇成為熱門人馬，她說：「多謝，都好開心。（有壓力？）我家人和朋友都好支持我，日日都鼓勵，壓力自然會少好多。」而「大眼Dada」大熱(11)吳凱欣坦言信心慢慢上升，希望能多練說話技巧和對答。對於(3)黃碧蓮愈戰愈勇，她說：「佢今日跳得好好，好希望自己可以同佢一齊努力。（威逼你？）唔會，大家有不同優勢，到時在台上一齊表演畀大家睇，希望當晚good show。」
而「直鼻陳凱琳」(1)謝芷倫表示曾學多種不同類型舞蹈，有信心進入十強。而狄易達表示各佳麗表現到水準，但因號碼牌掛在她們胸前，不敢直視來分辨各人。
港姐等你起底
爆料熱線：36001022
爆料傳真：36001000
爆料email： ent@on.cc
文：影視組