楊汀叮感動到喊（舌累）飯應
恭喜恭喜！藝人楊汀叮與拍拖五年的男友Angus將於本月25日在加拿大舉行婚禮，二人早前遠赴布拉格影婚紗相，婚禮籌備花費達7位數！原來男友夾埋好友做戲，更扮熊公仔求婚，令汀叮感動落淚，成功奪取芳心！
藝人楊汀叮早前獲拍拖五年、擔任演唱會製作公司高層的男友Angus求婚，更將於本月25日在加拿大的古老大屋舉行婚禮，邀請百多位親朋好友出席。提到求婚過程，汀叮直言感動落淚：「佢夾埋我班朋友做戲，我同朋友食完飯，阿珊（文詠珊，Janice Man）話有記者偷拍，仲走埋嚟問佢問題，有兩部攝影機，之後落到電梯底我見到3隻我鍾意嘅人扮熊公仔，先知係一個局，男朋友就扮其中一隻，向我跪低求婚送上99支玫瑰花及2卡鑽戒，我感動到喊。」
籌備十月花費百萬
婚禮籌備10個月，花費更達7位數，汀叮表示早前到布拉格影婚紗相，今日就會出發到加拿大準備，問到婚前緊張嗎？她表示自己不緊張，相反男友就緊張到每日只睡數小時。她更透露姊妹團有7位，好友文詠珊擔任伴娘：「佢係我最錫嘅妹妹，佢已經請定假。至於接新娘嘅遊戲已經諗好，不過係秘密。」她亦已準備了3套服飾於當日穿着，當中的晚裝更是度身訂造，故現在忙於keep fit，等待做美麗的新娘子。
文：名人組