孫耀威望搵酒井 續前緣
歌手孫耀威日前抽空接受東網《娛樂onShow》主持人俞詠文（Angela）訪問，他在節目中大談昔日做唱片的辛酸史，更自爆當年與日本女星酒井法子猶如小情侶！
出道已20年的孫耀威日前接受東網《娛樂onShow》主持人俞詠文（Angela）訪問，41歲的他樣子雖然依舊童顏，但他透露自己會「殘暴」肌膚：「拎抹手紙抹臉落妝，之後亦唔會揸CREAM同敷面膜。」問到他的養顏秘技，孫耀威表示盡得媽媽優質遺傳：「保持心境開朗、健康，內分泌都會好。我媽媽60幾歲但似40歲，皮膚好好。」
三日唔沖涼趕功課
當年孫耀威憑歌曲《我知道你在等我》紅爆中港台，當時正就讀大學最後一個學年的他，可謂忙到不可開交。孫耀威表示工作完後，即刻回校趕畢業功課：「當時着住打歌服衝返宿舍，掉低粉絲送嘅花同禮物之後就去咗電腦室，着住打歌服、唔沖涼、唔刷牙三日做畢業功課。」但因工作過度操勞，孫耀威拍MV時一邊嘔一邊拍，最後更暈倒送院。但他為趕宣傳，未有稍作休息便飛到新加坡做宣傳。
寫信送禮物心郁郁
而孫耀威亦與日本女星酒井法子合唱過歌曲《有緣千里》，他笑言當時二人就像小情侶：「好甜蜜，每次佢嚟香港都會見我，寫信、送禮物畀我。我覺得佢好得意，好心動。但因為嗰時有女友，無多餘心機同時間，如果唔係我又點會放過佢。」多年未有聯絡的孫耀威表示有透過中間人搵她，希望可以重新聯絡對方。
文：專案組