Fantaz錄國語歌 老師監場
三人男子組合Fantaz近日為新歌到電台宣傳，由於新歌是國語歌，三子坦言為免咬字及發音出錯，錄音前特別跟老師學普通話，成員Nel說：「都擔心網民聽完首歌，覺得我哋咬字唔準而攞嚟討論，所以錄音時，除咗監製喺度外，普通話老師都喺度，一聽到唔準就叫停。」
三子的風格與組合C AllStar相似，問到擔不擔心會作比較？Nel說：「我哋會努力做到自己風格，希望大家會見到我哋進步。」對於年底頒獎禮，成員Tom說：「我哋能夠實現夢想做音樂已經好滿足。」成員Nel補充說：「信心一定有。」