岑日珈做師姐唔怕蝕底
女新人岑日珈（Angie）日前到電台宣傳新歌，她大方透露與唱片公司（musicNEXT）已解約，她說：「經理人自己開咗間唱片公司，所以簽番畀經理人。」Angie坦言榮升師姐：「嚟緊公司會簽多一個女仔。（唔怕宣傳費分薄？）唔驚，我哋兩個走唔同路線。」
對於前師姐吳若希被拍到與現役籃球員拍拖撐枱腳，Angie坦言不知情，她說：「係咩？等我問吓佢先，不過知佢近排忙於拍劇。（幾耐冇見佢？）佢生日我哋去咗佢屋企搞派對，當時唔見有咩籃球員。」問到信唔信對方拍拖？Angie說：「應該唔係啩，佢有時間都去瞓覺啦，拍劇咁辛苦。」