李泳豪教飄移 施明5分鐘學識
無綫藝員李泳豪近年雙線發展，在內地兼職教授跑車飄移技術，最近獲賞識主理香港一間賽車學校，日前泳豪更教母親施明落場飄移，讓她感受一下自己的成就，結果施明五分鐘就學會，泳豪果然是名師。而泳豪近日亦忙於拍重頭劇《梟雄》，下月會隨大隊往上海拍外景，他開心的說：「最好忙到連瞓覺都冇時間，咁就真係好成功。」
童星出身的李泳豪一直與演戲不能分割，加上父母亦是圈中人，令他一度以為人生只得「拍戲」兩字。直至年前泳豪感情出現挫折，剛巧有人邀請他往內地教授跑車飄移，結果為自己開拓出新路向，最近有老闆在港投資開設賽車學校，更重金邀請泳豪加盟打理主力教飄移技術。
日前泳豪就教母親施明飄移，他說：「之前阿媽唔明乜嘢係飄移，依家見到我做出成績，開心之餘叫我帶佢去試，親身感受我所付出嘅努力。」事後泳豪讚母親有天分，只需五分鐘已掌握飄移技巧。
不放棄拍劇
問泳豪可會全身投入發展賽車學校？他謂：「一定唔會，一來公司畀好大空間我哋，二來拍戲係我自細嘅興趣，做得耐都唔悶，兩者絕對兼顧到。我仲後生唔怕辛苦，最好忙到連瞓覺都冇時間，咁就真係好成功。」
另外，泳豪最近忙於拍無綫新劇《梟雄》，演黎耀祥得力助手，稍後會往上海拍攝，他說：「我演殺手，反正我平日唔笑，大家仲以為好cool，但識耐咗個個都話原來我好簡單。」
文：影視組