陶大宇戒煙成功

藝人陶大宇日前為黃芳雯主持有線節目《為食情報局》擔任嘉賓，暢談飲食心得以及戒煙成功的經驗，陶大宇明白健康可貴，於年初成功戒煙，搣甩幾十年的煙癮：「我覺得戒煙係我送畀自己最大的禮物，其實戒嘅過程都好辛苦，因為食咗幾十年，好彩到最後都戒得甩。」素來飲食清淡的陶大宇稱：「近年轉內地工作都唔慣佢哋嘅飲食文化，佢哋『背脊向天人所食』，但我就唔食嗰啲炸蠍子、炸草蜢同野味。」