鍾嘉欣做助手救阿姐

藝人鍾嘉欣、汪明荃（阿姐）早前在太子為新劇《華麗轉身》拍落雨戲，劇中不慎留低手機、銀包在影樓的阿姐，在街上向人求助時突然落雨，「淋濕晒」的她幸獲「助手」嘉欣擔遮打救。
鍾嘉欣大讚阿姐好人。
鍾嘉欣大讚阿姐好人。

嘉欣大讚首次合作的阿姐好人，又很感恩跟對方有許多戲份，問阿姐是否很嚴肅？她否認謂：「佢好caring、好有心，每次見到啲女仔拍完外景返嚟都會煲湯水、涼茶畀我哋飲，即使好重都會拎幾壺返嚟，我覺得好幸福，因為自己喺香港，平時都冇湯水飲。」阿姐也大讚嘉欣很醒目。

阿姐幸獲「助手」鍾嘉欣擔遮打救。
  • 阿姐幸獲「助手」鍾嘉欣擔遮打救。