李璨琛離奇「遇襲」

記者就此事致電正身在深圳工作的李璨琛，他澄清並非遇襲，是兩個星期前拍攝電影《迷城》時受傷的照片，想帶出內心受傷：「用呢張相只係想帶出我受傷，因為我六月頭去內地一個音樂會期間，有個女仔叫我同佢影相，我都唔知佢係郭美美，之後佢將張相放微博，我就係咁畀網民狂鬧，鬧到依家，啲說話實在太難聽，我覺得要澄清，我根本唔認識對方（指郭美美），有時藝人真係好難做，影又出事，唔影又被人鬧扮嘢，總之以後會小心啲。」而李璨琛亦在郭美美犯事被拘留後留過批評對方的留言，令網民鬧得更烈，但留言已被刪除。