Amy遭出賣 淫片網上瘋傳

一向以騎呢為賣點的o靚模組合AD2前成員艾美琦（Amy），為博出位使盡怪招，繼早前在書展狂咀阿伯及「不小心」露乳暈和貼假乳頭外，近日網上又瘋傳她的情慾短片，片中見她僅穿T-back自摸。記者昨致電Amy求證，她表示沒有回應，再追問她知否是誰發放該些片段？她說：「唔想講，我經理人Simon會代為回應。收到好多人慰問，多謝大家關心，求大家畀啲空間我。」

而Simon就坦言已向Amy了解事件：「片裏面嘅絕對係佢，唔使遮掩，佢敢作敢為。（邊個拍？）個賤男係佢以前嘅富二代男友，Amy好鍾意佢，唔係為錢，嗰個男人喺性方面有癖好。（幾時拍？）應該近半年，以我所知佢同前度分手係呢一、兩個月嘅事。」問還有沒有其他情慾片流出？他說：「除咗呢段仲有好多，佢好鍾意對方，想令佢開心先拍。（會唔會報警？）貧不與富敵。」

今日活動取消

對於有指Amy援交及流連富二代私竇，Simon謂：「中環吖嘛，佢想識多啲人，因為個個都話投資拍片，作為藝人梗係想求多啲機會。（佢收錢食飯？）佢話收錢咁cheap，佢完全冇做過，我亦唔想質疑佢。」

另外，Amy的友人透露她原定今天會出席一個公開活動，但由於爆出情慾短片，大會即把她從嘉賓名單中剔除。

文：名人組