黃榕長「寫」長有 仙樂都轉做才女
o靚模黃榕、仙樂都、郭奕芯（Ashina）及女子組合B.Gs、尹蓁晞與男友陳偉成等，前晚到中環出席寫真刊物三周年派對，黃榕性感示人但否認想鬥波：「我嚟宣傳寫真，有留意今年啲對手，但冇個係對手。（仙樂都影埋今年告別？）我短期內唔再影，但唔會話最後一年。（影到幾歲？）我18歲啫！（介意講年齡？）冇介意，台灣好多model就算30幾歲都影得好靚，溫碧霞都係。」
仙樂都則想出文字書，她說：「依家寫真界百花齊放到over咗，出年我想寫我16歲入行至今嘅趣事書，提吓啲妹妹仔點保護自己，去試鏡有乜準備。（o靚模天書？）唔算天書，只係感慨以前着一件頭泳衣就搵到錢，依家三點式都只夠餬口！」Ashina勁晒事業線，再加送「缽仔糕」，但說無意搶鏡。
B.Gs成員周汶希（Jovi）本月23號日生日，日前獲藝人李雨陽送蛋糕神秘慶生，她指對方好人，當他大哥哥，雙方亦沒有單獨約會。
