舊老闆黎明 金句賀JM

藝人文詠珊（Janice Man）昨日舉行記招宣布正式加盟由金牌經理人黃柏高（Paco）主理的太陽娛樂文化，獲媽媽、余安安、緋聞男友陳柏熹等現身撐場。來勢「胸胸」的JM以火紅露肩低胸晚裝上陣，力谷事業線，之後JM與Paco進行打手印儀式，標誌JM正式加盟。一眾影帝級人馬及導演包括古天樂、張家輝、吳鎮宇、郭富城、黃秋生特別拍片恭賀，連緋聞男友謝霆鋒也參與：「恭喜加入新公司，All the best，拍多啲好戲！」

買樓畀家人

除了一眾影帝外，前老闆黎明（Leon）亦神秘拍了一段祝賀說話鼓勵JM：「每一個人都有自己新一頁，Janice努力，加油！」令JM在台上大呼驚喜說：「好surprise，冇諗過Leon會拍片畀我，好感激Leon，佢栽培咗我好耐，佢呢句咁好嘅金句，『每個人有新一頁』，今日加盟太陽娛樂係人生轉捩點、新一頁。」其後JM又獲Paco送上珍珠頸鏈，寓意她是公司的掌上明珠。

緋聞男友霆鋒拍片恭喜JM，祝她拍多些好戲。

舊老闆黎明送上金句，叫JM繼續努力。

JM受訪時被問到是否以三千萬加盟？她笑言：「哎，係好開心嘅數字！依家目標係買樓畀屋企人，但未係好時機。（一炮過畀錢買？）唔使一炮過，可以買多幾間。」對於黎明拍片祝賀，JM指感動到不知怎樣形容：「唔知佢拍片，佢返香港會見面，（佢有冇畀意見你？）就係嗰句好好嘅金句，一生受用。」

余安安（左）和JM媽咪（右）吻賀JM。

Paco送上珍珠頸鏈，寓意JM是公司的掌上明珠。

靜待新戀情

提到緋聞男友霆鋒都有拍片，JM說：「多謝佢，有好多前輩，差唔多影帝級，好受寵若驚。」事業得意，問到是否識埋男朋友就完美？她說：「順其自然，冇得強求，如果一個人有咗動力，桃花就會嚟。」

文：音樂組