Ashina寸盛品儒唔專一
前亞視高層盛品儒昨日在動漫節出席其創辦的數碼娛樂公司活動，女友蔡一鳳亦到場支持，二人還恩愛合照，盛品儒透露：「本身想搵多啲show girl，最後都冇，佢（女友）就係唯一一個show girl。（動漫節多性感女？）冇呀，我睇唔到，我眼中只有佢。」
對於盛品儒對蔡一鳳發表愛的宣言，o靚模郭奕芯（Ashina）昨日拍攝代言照時說：「咁人哋結婚眼內得蔡一鳳好正常，睇落咪好似好專一咁囉！」她又希望能拍電影給男主角驗身，希望合作的人選有張智霖和陳偉霆，大讚一個專一，一個有肌肉，形象合襯。
至於亞姐張家瑩性感出席動漫節，她自言想試玩Cosplay，又表示近期投資共七位數字開了兩間餐廳。