Mandy恨玩Cosplay 性感極限

莊思敏（左）與Mandy Lieu齊齊大騷美腿。

名模Mandy Lieu、莊思敏、藝人王敏奕及蕊蕊昨日出席「第十六屆香港動漫電玩節」活動，Mandy與莊思敏為人氣手機遊戲「神魔之塔」舉辦的Cosplay Catwalk Show擔任評判，評價一眾動漫模特兒的行騷表現，又即場分享及示範擺甫士。Mandy透露早已想嘗試角色扮演，但一直未有機會實行，她笑言：「之前去日本有24小時商店，好多Cosplay賣，當時已經好想買，我今年決定喺公司搞個聖誕Cosplay Party。（以性感打扮示人？）一定，寫包單畀你都得。（有冇話想扮邊個角色？）一係扮好可愛，一係就好恐怖，我個人好極端，一定要去到最盡。」

王敏奕封胸認輸

同場為電動遊戲擔任嘉賓的王敏奕及蕊蕊，化身賽車手在台上即場比試，以低胸短裙亮相的蕊蕊，在玩遊戲期間不慎露出白色打底褲，她無奈表示：「顧得上身又顧唔到下身，都唔知點做，要就住件衫，咁啱今日套衫係賽車女郎，好多動作都做唔到。（特別尷尬？）好多遊戲要彎腰，冇辦法，都着晒打底。」而王敏奕自言身材不夠與眾o靚模對撼，只好繼續貫徹保守打扮，被問到與男友曾國祥是否已發展到同居階段，她說：「唔係同居，拍拖去屋企好正常。（過夜？）唔識講，總之拍拖。）

莊思敏與Mandy Lieu跟動漫模特兒分享行騷心得。

王敏奕（左）打扮保守，被低胸短裙的蕊蕊搶鏡。

另外，「神魔之塔」的代言人韓國人氣男團Big Bang將於下星期現身動漫攤位，屆時大會將出動過百保安護送入場，又會包起全層六星級酒店給他們入住，保安嚴密。

文：名人組