陳斯允佗B女10月生
社交界又傳來喜訊，已故本地著名時裝設計師俞儷軒二女陳斯允，兩年前下嫁法籍丈夫Thierry Mandonnaud，踏入馬年造人成功，夫婦將為人父母，陳斯允既緊張又興奮：「生BB係一切計劃中，當我懷孕一刻，感到生命即將來臨，真係覺得好奇妙！」
目前陳斯允每天都做瑜伽，體重未有太大變化，她已知腹中BB是女，預產期是10月，跟她同月生日，至於開刀還是順產？她說：「考慮緊，應該留喺香港生，餵唔餵人奶到時睇狀態而定，我當然想畀BB最好嘅。」BB將由夫婦倆輪流湊，故不會請陪月，會請傭人幫手。暫時未決定會否再追，生完第一胎再算。