Mandy冇掂過：最緊要靚！
名模Mandy Lieu旗下日模清穗久美子（Kumiko）於寫真戰力sell「天然胸」，惟近日被翻舊日平胸相，指她有隆胸之嫌。作為老闆娘的Mandy力撐Kumiko，坦言無論真與假都不重要，最重要是Kumiko開心及相片影得漂亮。
Mandy Lieu昨日穿上tube dress出席活動，提到旗下模特兒清穗久美子（Kumiko）及金愛妍（Kim）的寫真大賣，成績斐然。Mandy說：「之前慶功，本來我喺外地都趕返嚟，點知遇上打風都冇辦法。佢哋已經同我講，要求去歐洲旅行，可能請佢哋去西班牙旅遊作為慰勞禮物。」Mandy並大讚她們夠賣力。
「我會影全裸」
對於標榜「天然胸」的Kumiko被翻舊相，指她從前的身材平平，未見突出，暗指有隆胸之嫌。問Mandy有否驗過Kumiko胸部的真偽？Mandy笑言：「我冇摸過佢個胸，冇掂過。（知唔知真定假？）唔知，佢話真就真，依家假嘅都有大把，最緊要自己開心同影得靚。我都唔敢睇本寫真，驚睇到流鼻血。（幾時到你出寫真？）好多年前公司問過我，當時都冇出，如果我拍寫真嘅話，會豁出去影全裸，不過遲啲先啦！」
文：名人組