鄭嘉穎預告出走 唔靠無綫養老
視帝鄭嘉穎、陳展鵬及林夏薇等前日在屯門舊海水化淡廠拍攝無綫新劇《天眼》重頭戰，講述入魔的展鵬挾持旅遊巴一批人質，與嘉穎持槍互鬧，兩人在悶熱的天氣下標晒汗追逐，展鵬更化上紅眼妝表達角色失眠，戲內張力十足，但戲外老友鬼鬼，合照時展鵬做出搞笑表情持槍指着林夏薇，而夏薇於休息時間亦換上便服在場偷師。
嘉穎表示劇集已近埋尾，下月初即要拍攝新戲，完全沒有時間休息，提到早前整傷腳，他表示已無大礙：「大部分動作戲都應付到，係跑步急停要好小心，最鍾意嘅網球都冇打喇！」有傳林峯不續約TVB及另起爐灶，嘉穎認為這是個人決定，問會否覺得小生買少見少？他說：「要畀機會後輩接班嘅，都唔好諗住我喺TVB拍到老呀！」至於林夏薇表示對堂哥林峯的動向不知情，但作為家人會全力支持。
展鵬望娶妻買樓
對於同劇的楊怡被指揼千萬買豪宅準備明年跟羅仲謙結婚，嘉穎笑言楊怡只透露想投資：「不過我唔認為依家係買樓好時機。（聽過佢想結婚？）冇喎！佢一向好開心嘅。（送禮？）真係請飲先！」至於展鵬笑言買樓及結婚都是開心事，值得恭喜：「不如祝福我先！我想早過佢結婚買樓，等中六合彩。」此外，劇中被展鵬追殺的張頴康不慎Chok親頸，並表示女兒已兩個月大，每日湊女感覺很冧。
文：影視組