陳慧琳（火羅）爆甩假髮
上周舉行的郭偉亮（Eric Kwok）演唱會，舞台上驚現女星nude bra，陳慧琳以「過來人」身份自爆曾在舞台上「跌過嘢」，就是誤將假髮揈出去。而李克勤更抵死說以後要將隨身物品記名，方便「物歸原主」，認真得戚！
歌手陳慧琳（Kelly）、李克勤、張敬軒、泳兒和羅力威昨日出席主題公園活動，大露背示人的Kelly自言打底措施做得很足，提到早前有女歌手在Eric Kwok演唱會舞台上「遺留」了nude bra，Kelly竟自爆說：「我開演唱會都跌過嘢喎，試過一嘢揈咗個假髮出去！」她又大爆大仔劉昇很喜歡玩機動遊戲，笑言囝囝「唔知驚」：「有啲好大離心力，佢話瞌埋眼就唔驚。」
見千嬅甩鞋
之前去巴西睇世界盃的克勤表示返港後未適應時差，前晚與譚詠麟綵排演唱會後都睡不着，問到克勤開騷時會否擔心「跌嘢出嚟」？他即笑言：「Eric演唱會嗰晚我只係見到楊千嬅甩鞋咋，見唔到塊嘢，我哋應該養成TVB嘅習慣，所有服飾都要mark名，因為依家實冇人認！」
軒仔就透露正為十月的演唱會熱身，問到可會操肌益粉絲？軒仔笑指：「唔操人魚線，淨係操聲線，練『朱古力』太辛苦喇，始終都唔後生。」他又爆個唱上會有浮雕式電動舞台，叫大家拭目以待。
文：音樂組