龍小菌撩劉以達一拍即合

小菌和達哥這個配搭看似風馬牛不相及，事實上小菌私下對達哥的音樂才華十分傾慕，在一次偶然的機會下，她膽粗粗邀達哥合唱，不料前輩一口答應，令她如中六合彩般開心，小菌說：「我細個都有聽達明一派啲歌，覺得達哥作曲好勁，之後我入咗行，有次喺新城頒獎禮度，第一次見達哥，鼓起勇氣送張唱片畀佢，仲問達哥可唔可以合照，達哥好好人話好。」

第二日交歌

之後，小菌一直想跟達哥在音樂上合作，而早前其經理人兼緋聞男友邵子風構思推出合唱歌，故抱着「不妨一試」的心態下向達哥作出邀請，豈料他又是爽快答應，小菌大讚：「達哥一話ok，第二日已經可以交到歌，真係快到你估唔到，真係好勁。」

小菌一直傾慕達哥音樂才華，可與對方合作，相當興奮。

有「作曲便秘症」的小菌，向達哥請教心得。

問達哥對小菌的印象？他說：「第一個感覺，梗係覺得佢索啦，有靚女請我合作，梗係答應啦。」小菌大讚達哥才華洋溢極速交歌，他淡淡然說：「作曲，好易之嘛，有靈感幾個鐘頭都起到一首歌。」

飲奶搵靈感

自言有「作曲便秘症」的小菌隨即向前輩請教，達哥傾囊相授說：「我會飲奶，一飲就靈感到，一係就去廁所，『辦緊大、小事』時，都會好易諗到，如果再唔得，就唔好諗住，放埋一邊先，每諗到小小都記低佢，之後一part part咁併埋，好似砌積木咁就得啦。」在旁的小菌不停微笑點頭，但不經意流露「滴汗」表情。

達哥又指這首合唱歌並非低成本那樣簡單，他說：「唔係low budget，係no budget，作曲、填詞唔使錢，連租studio、拍MV都係拍膊頭，免費。」而邵子風則更正有製作費，他說：「用咗138個8，因為大家都叫外賣食飯。」

場地：香港九龍貝爾特酒店

文：音樂組