杜德偉要君如倒立唱歌
闊別香港樂壇多年的杜德偉即將在八月舉行紅館演唱會，日前應邀接受《娛樂onShow》訪問，除了與主持人俞詠文大談音樂，更透露舊愛吳君如是嘉賓之一，預告要她在台上倒立演出。
在港久未露面的「舞魔男」杜德偉（Alex）落實於八月舉行紅館演唱會，日前抽空接受《娛樂onShow》主持人俞詠文（Angela）訪問。事隔廿一年再度在紅館開騷，Alex坦言覺得美夢成真。他謂：「其實我有好長一段日子冇喺香港發展，所以可以再次用廣東話喺紅館開演唱會感覺就好似美夢成真一樣，好感動好開心。」
是次個唱嘉賓當然是大家關注的焦點之一，在Angela的追問下，Alex笑言會力邀舊愛吳君如上台倒立：「其實我心中有不少人選，例如吳君如，因為佢之前搵我做鴨王，所以今次我就要佢喺台上鋼管倒立三首歌嘅時間。」
與新一輩歌手冇代溝
早前台灣歌手羅志祥（小豬）公開表示如果Alex開騷，他一定會出席，Alex坦言與小豬平時私交甚篤：「我覺得新一輩歌手有種同以前唔同嘅感覺，但由於大家都好鍾意音樂同表演，所以相處時有一種大家庭嘅溫暖感覺。」如果想知道在圈中一呼百應、平時Man到爆的Alex為何會怕老婆？就要密切留意《娛樂onShow》。
文：專案組