無綫藝員羅鈞滿（Moon）最近與草蜢、謝安琪及錢嘉樂等拍攝真人騷節目《快樂聯盟》，大讚幾位前輩要攀山涉水毫無怨言，大家分工合作完成任務，資歷最淺的他自言體力不錯，做苦力擔擔抬抬都冇所謂！
Moon笑言有時會像記者般向前輩發問，發覺獲益不淺：「傑哥（蔡一傑）成日提點我，叫我大隻啲同點裝扮，有晚我同蘇老闆（蘇志威）過咗一晚，分享咗好多嘢，例如呢行要注意啲咩咁。而嘉樂就好照顧大家，有辛苦嘢佢總係搶住做，而且好有領導能力！」
